"मारवाङी शब्द तरकश रा तीर "
वाह रे म्हारा भारत अटै काँई काँई होवे खटका ,
धोली टोपी रे धणियोँ री अटै चाले मरजी ,
पाँच बरस री कुरसी खातर वोट पङावै फरजी ,
बात बितया समझ मेँ आवै
तो जनता रे मगज मेँ लागे झटका ,
वाह रे म्हारा भारत अटै काँई काँई होवे खटका ।।
घुसणखोरा रा अटै लागे मोटा मेला ,
भ्रष्टाचार रा अटै होवे खूब रेलमपेला ,
दवाखाना मेँ दवाया अटै मिले नकली ,
इण रे लारे किती बिमारियाँ
लोगा ने मारन भखली ,
मायली मार रे माय आ जनता
काँई काँई खावे फटका ,
वाह रे म्हारा भारत अटै काँई कांई होवे खटका ।।
मोटीयारा रे मायने अटै कांई कांई झलगी आदत ,
बीङी सिगरेट गाँजा अमल
अर आ दारु री लत ,
यां मोटीयारा रे अधर मेँ ओ देश कटिने जावे ,
वा मोडर्न जमाना रा नखरा मेँ याने अक्ल कोनी आवे ,
खेल छुटया कबड्डी खोखा
ए तो खेले जुआ अर मटका ,
वाह रे म्हारा भारत अटै कांई कांई होवे खटका ।।
आ छोटी सी लैणा रो
अर्थ समझलो भायां ,
राखौ आबरु किन्या री
नी तो कोनी मिलेली लुगायां ,
काम अस्यो करजौ म्हारा साथिङा
के लोग थाँ पर इतरावे ,
चौखा कामाँ रे मायने
आपणो देश सुधर जावै ,
"हमसफर" अस्या शब्दां रा अब
कितरा लगावेलो फटका ,
वाह रे म्हारा भारत अटै कांई कांई होवे खटका ।।
हमसफर-ए-कलम ।
रचना भेज ने वाले
युवा कवि श्री नरपतसिंह राजपुरोहित हमसफर
No comments:
Post a Comment
यदि हमारा प्रयास आपको पसंद आये तो फालोवर(Join this site)अवश्य बने. साथ ही अपने सुझावों से हमें अवगत भी कराएँ. यहां तक आने के लिये सधन्यवाद.... आपका सवाई सिंह 9286464911